Lawiswis Ng Salita ni P. Nicanor F. Lalog II, Ika-13 ng Abril 2020
Katulad ninyo
ako man ay humiling
sa aking mga panalangin
sana'y magbalik na
dating normal na buhay natin
bago mag-COVID-19.
Ngunit nang aking suriin
mali itong aking hiling
at tiyak hindi diringgin
ng Panginoon nating
nagpakasakit upang baguhin
kinamihasnang pagkakasala natin.
Ano nga ba ibig sabihin
pagbabalik sa dating normal
na buhay natin?
Hindi ba ito naging sanhi
nitong COVID-19 kaya
tayo ngayon ay naka-quarantine?
Bago pa man dumating
itong social distancing
magkakahiwalay at hindi natin pansin
mga kapwa lalo mga nalilihis
habang ang iba ay minamaliit
tila baga buhay ng iba walang halaga sa atin?
Kaya dating normal na buhay natin
hindi na dapat magbalik sa mga panahong...
normal ang walang Diyos
normnal ang hindi pagsisimba
normal ang paglapastangan sa magulang at kapwa
normal ang makasarili
normal ang walang pakialam
normal ang kasakiman
normal ang patayan
normal ang pakikiapid
normal ang pagsisinungaling
normal ang fake news at chismis
normal ang pagnanakaw
normal ang korapsiyon
normal ang gulangan
normal ang pagmumura at pag-alipusta
normal ang kawalan ng kahihiyan
normal ang mga trapo na pulitikong pulpol
normal ang pagbebenta ng boto
normal ang kawalan ng modo
normal ang pagwasak sa kalikasan.
Iyan ang dating normal na buhay natin
na hindi na dapat mabalik
sari-saring mga diyos-diyosang
sinasamba upang magkamal ng maraming pera
hangaan at tingalain ng iba
waring ang sarili'y angat sa karamihan.
Iyan ang dating normal na buhay natin
na hindi na dapat mabalik pagkaran nitong COVID-19:
malayo sa Diyos at sa kapwa tao
dahil itong Pasko ng Pagkabuhay
ay pagbabalik sa landas ng kabutihan at kabanalan
paglimot sa sarili, pagpapasan ng Krus upang si Kristo ay masundan.
Kaya marahil matatagalan itong ating lockdown
upang higit nating madalisay ating mga buhay
nang sa gayon matapos pagdaanan mga kahirapan
huwag nating malimutan ang Diyos na makapangyarihan
hangad ang ating kabutihan at kapakanan.
Lawiswis Ng Salita ni P. Nicanor F. Lalog II, Ika-26 ng Marso 2020
Eksena hango sa pelikulang “The Ten Commandments” noong 1956.
Tinuturing ng mga Hudyo
ang pagsamba ng kanilang ninuno
sa guyang ginto
ang pinaka-nakakahiyang yugto
sa kanilang kasaysayan
nang talikuran nila sa ilang
butihing Diyos hanap katapatan lamang.
Mula noon hanggang ngayon
guyang ginto ang naging larawan
na siyang kumakatawan sa ating
mga sinasambang diyos-diyusan:
salapi at kayamanan,
kapangyarihan at katanyagan,
lahat iiwan, tatalikuran makamit lamang.
Hindi ako kumibo noong una
kahit napupuno ng nag-aalimpuyo
na galit at ngitngit sa mga balitang sumisingit
mga VIP para sa kakaunting testing kit;
ngunit nang itong si Koko Pimentel
hindi nagpigil, di napasupil
ako ma'y kumulo ang dugo sa gigil.
Di niya inalintana mahawahan
mga karamihan ng sakit na di pa maunawaan
siya pa ngayon ang nangangatuwiran
sa kanyang kapabayaan at kapalaluan
pakiwari siya ay tama at kawawa
kaya sa kanya ang madla
nagalit halos siya ay isumpa.
Ito ang malungkot na katotohanan
nalantad sa isang iglap ng kapabayaan,
kahangalan at kayabangan
silang mga halal at makapangyarihan
sa taumbayan walang pakialam
sila na mismo ang guyang ginto
na ibig sila ang sambahin at paglingkuran!
Kaya nga aking mga kababayan
huwag kalilimutan mga taksil ng bayan
huwag nang ibalik sa luklukan
dahil ngayon pa lamang ay nagkasubukan
sa oras ng kagipitan tayo ay kanilang iniwan
hindi dapat pagkatiwalaan
sapagkat sila'y mga propetang bulaan.
40 Shades of Lent, Thursday, Week IV, 26 March 2020
Exodus 32:7-14 ><)))*> +++ <*(((>< John 5:31-47
Illustration from Chabad.org.
Like you, O God in the first reading today, we are all angry. We are so mad with our so-called leaders and officials in government. We are angry at their arrogance and total disregard of others especially in this time of global crisis due to COVID-19.
Like you, O God, we also seeth with anger when you at Sinai saw how the Israelites created a golden calf to worship, after you have brought them out from Egypt. We admit our sinfulness and guilt before you in having our own we golden calves like power, money, and fame among many others.
But what we are so mad, O God, is how these leaders and officials in government – whether elected or appointed – have made themselves the golden calves to be served and worshipped by everyone.
They are the golden calves themselves who have brought shame and dishonor to our nation.
They do exactly what your Son and our Savior Jesus Christ had taught us that whoever wants to be great must be the least and servant of all.
But they are certainly not. They have shamelessly acted foolish and selfish since this pandemic started.
Forgive us, too, merciful Father, for our many sins, for being deluded by these many other golden calves in our midst, in the government.
The words of your Son Jesus Christ today are so true:
“I do not accept human praise; moreover, I know that you do not have the love of God in you. I came in the name of my Father, but you do not accept me; yet if another comes in his own name, you will accept him.”
John 5:41-43
Like you, O God, we are angry at them, at how things are going on.
But like you, O God, let us relent in wishing ill for these misguided leaders whom your misguided people have put in power too.
Like you, O God, let us temper with mercy and charity our feelings and emotions against them.
Most of all, make us truly wiser in the next elections! Amen.
lordmychef.com 