Lawiswis ng Salita ni P. Nicanor F. Lalog II, Ika-08 ng Marso 2021
Larawan kuha ni Dr. Mylene A. Santos, MD sa Candaba, Pampanga, Pebrero 2021.
Ang buhay natin ay
paulit-ulit na Kuwaresma
na sa atin ay nag-aanyaya
buhaying muli ating mga pangarap
upang bigyang katuparan
at tayo ay maging ganap;
mga mata ay ating idilat
muling tumanaw sa malayo
sikaping abutin ating mithiin,
magagandang adhikain huwag limutin;
huwag hayaang maging sagwil
pagkakasala at pagkakamali,
kabiguan at sakit ng nakaraan
kalimutan at lampasan
matutuhan at tandaan
kanilang iniwang mga aral.
Liparin ang himpapawirin
mga pangarap sa Panginoon ay hilingin
dahil tanging ibig Niya
kabutihan at kaganapan natin
kaya paanyaya Niya sa atin
linisin kalooban at budhi natin
upang pagkatao dalisayin
palawakin yaring pananaw
hindi lamang paningin
na kung minsa'y makitid,
madalas ay madilim
kaya sa Panginoon idulog natin
mga gumugulo sa atin
upang Kanyang liwanagin
at hawiin mga tumatabing
upang sigla at sigasig panumbalikin.
Larawan kuha ni Dr. Mylene A. Santos, MD, sa Rhode Island, 07 Marso 2021.
Lawiswis ng Salita ni P. Nicanor F. Lalog II, Ika-01 ng Marso, 2021
Larawan kuha ni P. Gerry Pascual sa Switzerland, Agosto 2019.
Noong mga araw na iyon,
umakyat si Jesus sa isang mataas na bundok.
Wala siyang isinama kundi
sina Pedro, Santiago at Juan.
Samantalang sila'y naroon,
nakita nilang nagbagong-anyo si Jesus,
nagningning ang kanyang kasuutan
na naging puting-puti, anupa't
walang sinumang makapagpapaputi
nang gayon (Marcos 9:2-3).
Kay sarap pagnilayan mga paglalarawan
ating buhay katulad ng kabundukan
dapat akyatin upang marating
rurok ng tagumpay na ating mithiin;
gayun din naman sa ganitong paglalarawan
ating matatanawan ating napagnilayan
paulit-ulit na Kuwaresma yaring ating buhay:
mula sa ilang, mataas na bundok pinuntahan
kasama tatlong alagad upang masaksihan
pagbabagong-anyo ng Panginoong Jesu-Kristo
paalala na Siya ay kasama at kaisa natin
umaahon upang matunton kabanalang nilalayon.
Alisin at iwanan mga dala-dalahang
sagabal katulad ng mga kasamaan at kasalanan
bunsod ng paghahangad sa mga walang kabuluhan
o kinalaman sa ating kaligtasan gaya ng
kayamanan, kapangyarihan at kapalaluan;
madalas pananamapalataya natin ay sinusubukan
tila ang Diyos mga pangako Niya ay nakakalimutan
basta makinig lamang at Siya ay sundan
asahan gagawa Siya ng paraan at daan
lalo kung tayo ay laang isuko ating pinanghahawakan
upang Kanyang mapalitan
ng higit na mas mainam.
Madalas sa itaas ng kabundukan
hindi kaagad nababanaagan tinutunguhan
ngunit nararamdaman
pagbabago sa pangangatawan
maging sa kalooban;
higit sa magagandang tanawin
pagkaunawa at pananaw kapansin-pansin
lumalawak at nagiging malinaw ang lahat
kapag nataas antas ng ating karanasan
kaya mula sa itaas ng kabundukan
ibaba sa pangkaraniwang pamumuhay at pag-iral
natalos nating karunungan sa Krus ni Hesus!
Habang bumababa sila sa bundok
mahigpit itinagubilin sa kanila ni Jesus:
"Huwag ninyong sasabihin kaninuman
ang inyong nakita hangga't hindi
muling nabubuhay ang Anak ng Tao."
Sinunod nila ang tagubiling ito,
ngunit sila-sila'y nagtanungan
kung ano ang kahulugan
ng sinabi niyang muling pagkabuhay
(Marcos 9:9-10).
Lawiswis ng Salita ni P. Nicanor F. Lalog II, Ika-25 ng Disyembre 2020
Larawan kuha ni G. Marc Angelo Nicolas Carpio, Pasko 2020 sa aming parokya.
Pasko na naman.
Yan palaging sambit ng karamihan
minsan hindi maintindihan
palaging inaabangan
pero kapag nariyan na
parang tinatabangan
inaayawan
maski kinaiinisan.
Kapag natutuwa, nakangiti mga labi sabay sabi, "(Yehey!) Pasko na namann!!!" Pero kung nagagalit, mata'y nanglilisik: "Pasko na naman!?!" Kapag nagtataka, nagugulat, mabilis pagbigkas, sa dulo umiigkas "Pasko na naman???" At kung walang pakialam, malamlam mukha, halos ibulong "Pasko na naman."
Larawan kuha ni G. Marc Angelo Nicolas Carpio, Pasko 2020 sa aming parokya.
Iisang pangungusap
nababago dating
kung saan ang diin
kung bigkasin
batay sa damdamin
nababago ibig sabihin
ngunit kahulagan
at aral nananatili pa rin.
Hindi maililihim sa likod ng mga katagang "na naman" nararamdaman panghihinayang, pagsisi tila mayroong gustong aminin; ang iba naman pilit walang kibit dahil sa sakit at pait na sinapit kunwa'y walang pakialam Pasko kinakalimutan.
Larawan kuha ni G. Marc Angelo Nicolas Carpio, Pasko 2020 sa aming parokya.
Pasko ay higit pa sa petsa
pera, damit at mga regalo
magarbong pagsasalo-salo;
Pasko ay pagparito sa mundo
ng Diyos na nagkatawang-tao
pangalan ay Jesu-Kristo
upang iligtas tayo
mahango sa pagkakasala.
Mababago pagbigkas pagbati ng "Maligayang Pasko" ngunit kahulugan mananatili magpakailanman ang pag-ibig na walang hanggan ng Diyos na atin unang nagmahal gumawa ng paraan kaya sumilang sa sabsaban sa ilalim ng malaking kadiliman Kanyang Anak upang tayo samahan, damayan!
Larawan kuha ni G. Marc Angelo Nicolas Carpio, Pasko 2020 sa aming parokya.
Lawiswis ng Salita ni P. Nicanor F. Lalog II, Ika-21 ng Disyembre 2020
Larawan ni Lucifer, ang Satanas, mula sa wikipediacommons.org.
Nakapanlulumo
nakalilito
mga nakita
sa maigsing video
mga nanglilisik na mata ng bata
iginigiit ama niya ay pulis -
walang mintis
napaka-bilis
mag-inang tumatangis
bumulagta sa lupa
lahat hilahod
sa eksenang napanood.
Pilit kong binabalik-balikan
ebanghelyo ng Simbang Gabi
kanina at kagabi
parehong nagsasabi ng mabuti:
dinalaw ng anghel si Maria
hatid Mabuting Balita
kaya nagmamadali siyang
dumalaw kay Elizabeth
upang ibahagi at makihati
sa tuwa ng pagpapala
kay laking hiwaga
ating napala.
Ano nga ba ang nangyari
ating hinayaan
na dumalaw at manahan
sa ating bayan
itong mga kasamaan
araw-araw na lamang
bukambibig
kayabangan at kasinungalingan
pagmumura binibigyang katuwiran
kamatayan tanging nalalaman
sagot sa ano mang
sakit ng lipunan?
Balikan din mga lumipas na Kapaskuhan
bakit mga pelikulang katatakutan
pinararangalan mga impakto at demonyo
gayong ito ang pagsilang ng Kabutihan?
Hindi maikakaila
ang kakayahan ng kasamaan
na dumihan at linlangin
ating kaisipan upang wasakin
kaayusan at kapayapaan
na dapat nating pangalagaan
at ipaglaban na kinakatawan ng Sanggol
na sumilang doon sa sabsaban!
Quiet Storm by Fr. Nicanor F. Lalog II, 09 December 2020
Photo by author, 09 December 2020.
As I closed my prayers today
got my stares fixed on empty space
that stirred me into a daze;
And I was amazed at how we are in a place
so vast we cannot keep pace
yet we say in everyone's face
we need a space, we have no space!
If we can appreciate
the shape in every space
our heart will ablaze
with so much praise
for in between is grace
of a sacred space
to raise
our living
and relating
in sharing God
dwelling
in every being
loving
and caring.
What is a space?
A place or a dimension
a creation for correlations
to locate persons and things
and every entity
yet always considered as empty
only a reality in relativity;
but, as far as
every soul can desire
every mind can imagine
space is there to see
like the deep, blue sea
an infinity and mystery
our entry into divinity!
Lawiswis ng Salita ni P. Nicanor F. Lalog II, Ika-07 ng Disyembre 2020
Larawan kuha ni Bb. Jonna S. De Guzman, Parokya ni San Juan Apostol at Ebanghelista, Bagbaguin, Santa Maria, Bulacan (05 Disyembre 2020).
(Una itong nilathala ika-28 ng Nobyembre 2018 at ngayon ay isina-ayos kaugnay ng mga nangyayari tulad ng COVID-19.)
Bakit nga ba tayo sabik sa Pasko,
ano ating inaabangan
at palagi tayong mayroong countdown?
Kung ang Pasko ay isang petsa lang,
bakit hindi na lang tayo magbilangan
Bagong Taon pa lamang?
Balikan ating mga karanasan
ng mga Paskong nagdaan, paano tayo natigilan
Kapag nagkaubusan ng pagkai’t mga pamaskong pinaghandaan.
Ito nga lang ba ang dahilan at kahulugan ng Kapaskuhan?
Lahat ng kaabalahanan at kapaguran sa paghihintay
Di malaman kung napasaan?
Diwa ng Pasko, sa puso sumisilang
araw-araw itong maipagdiriwang
pananahan ni Hesus sa ating kalooban.
Ang Pasko ay isang kaganapan
nang ang Diyos ay makialam
sa ating mga kaguluhan:
Kanyang pinunan
ating kakulangan
Binigyang saysay
buhay nating walang kabuluhan
upang tayong sinilang sa kasalanan,
magkaroon ng kabanalan.
Sa panahong ito ng pandemya
maraming problema
sana ating makita
sumapit ang Pasko
sa panahong magulo din
balot ng kadiliman
buong kapaligiran.
Si Hesus
wala na sa sabsaban
kungdi naroon sa ating puso
at kalooban na siyang pinagmumulan
ng bawat kaguluhan;
Mamuhay tayo’ng lagi sa Kanyang kapanatilihan
Upang ngayon pa lamang ay maranasan hatid Niyang kagalakan
Kesa ito’y abangan at malibang sa pagbibilang ng petsa at buwan.
Lawiswis ng Salita ni P. Nicanor F. Lalog II, Ika-01 ng Disyembre 2020
Larawan kuha ng may-akda, Unang Linggo ng Adbiyento, 29 Nobyembre 2020.
Tuloy pa rin ang Pasko
sa gitna ng COVID-19
maski na kaunti
at mahina
taginting ng mga kaha
dahil walang regalong
iintindihin
bibilhin o sale na susugurin;
simbahan sana ang tunguhin
upang manalangin
at linisin
puso at kalooban
para kay Kristong
darating.
Tuloy pa rin ang Pasko
sa gitna ng COVID-19
at sana'y wala nang umawit
ng mga huwad na caroling
na paksa ay pag-ibig
na sinungaling
puro lamang damdamin;
nang si Kristo ay dumating
ipinadama Niya sa atin
tunay na pag-ibig
handang hubarin
at limutin ang sarili
upang maging katulad
at samahan maski mahirap mahalin.
Larawan kuha ng mga may-akda, Unang Linggo ng Adbiyento, 29 Nobyembre 2020.
Tuloy pa rin ang Pasko
sa gitna ng COVID-19
kahit kakaunti
ang pagkaing nakahain
sa mesa ng noche buena;
mas masarap pa sa quezo de bola
ating mga kuwento at alaala
ng mga pinagsamahan
sa nakaraan
na nagpapalakas
nagpapatibay
sa ating buhay
na siyang ating gabay
patungo sa bukang liwayway.
Tuloy pa rin ang Pasko
sa gitna ng COVID-19
mayroon mang quarantine
at social distancing;
ang mahalaga'y
patawarin nagkasala sa atin,
alisin na mga tampo
hinanakit, pait at galit
pati na pakla at asim
sa bibig at damdamin
upang malasap muli
at namnamin
sarap ng kahulugan
nitong buhay natin!
Tuloy pa rin ang Pasko
ngayong COVID-19
balot man ng kadiliman
itong ating buhay
katulad ng gabing kulimlim
mas maliwanag mga bituwin
nagniningning, parang nakangiti
sa ati'y nakatingin;
sa tuwing puso at kalooban
ay ating binubuksan
upang mahalin at paglingkuran
kapwa nangangailangan
Panginoong Hesus ay sumisilang,
Pasko ay tunay na ipinagdiriwang
kaligtasan nararanasan
lahat ng hirap nalalampasan
Diyos sa ati'y nananahan
tayo ang kanyang sabsaban
pagkain pinagsasaluhan
tungo sa buhay na walang hanggan.
Quiet Storm by Fr. Nicanor F. Lalog II, 30 November 2020
When we were growing up
discovering the power of love,
these nursery rhymes
were so sublime
we used to find
every Valentine's
without knowing why
"Roses are red,
Violets are blue,
Sugar is sweet.
So are you.
And I love you!"
Red means love
but what about blue
that has become violet too?
It is funny, though
now that I have become
a priest and pastor
that I have come to know
why violets are blue:
According to one review,
violets mean
fidelity, humility,
modesty and simplicity
that to give
a violet is to reply
"I love you too!"
Like the season of Lent
when everything is violet,
Advent's shade is in blue
to keep things subdued
as we try to imbue
value of patience and vigilance too.
During Advent, violets are blue
the hue of God's mercy, that is so true.
In these four Sundays before Christmas
hear my prayer to you, dear Jesus
as I borrow the rhyme from "Mother Goose":
"Roses are red,
violets are blue;
let your Advent come true
because I love you too!"
*All photos by author from our Advent celebrations in the parish this year 2020 (topmost collage) and last year 2019 (collage above). Flower arrangements by our liturgy commission head Ms. Imelda Santiago and Ms. Lucila Verana; am so thankful to their dedication and creativity in the past eight years, learning everything by experience, nurtured by prayer.
Lawiswis ng Salita ni P. Nicanor F. Lalog II, Ika-26 ng Nobyembre 2020
Larawan kuha ni Arch. Philip Santiago, Lourdes, France, 2016.
Sana'y inyong ipagpaumanhin
at ako ma'y patawarin
ng Mahal na Ina natin
sa aking sasabihin
na noon pa man
hindi ko inililihim:
Ano itong pagkahumaling
ng marami sa mga kapatid natin
sa pagkokorona sa Birheng Maria?
Mayroon pa bang hihigit
sa kanyang koronasyon
sa langit?
Hindi kaya ito kalabisan
kaartehan
o inggitan ng iilan
na ang tanging sandigan
ng debosyon kay Maria
ay panglabas lamang
upang hilig ay mapagbigyan
kahit walang kabuluhan
at katuturan
habang sambayanan
nanonood lamang
sa isang palabas na walang laman?
Pasiklaban, pabonggahan
tanging mga katangian nitong pagkokorona
hindi birong halaga ginagasta
sa gitna ng isang pandemya
tila baga nawala na rin
panglasa at pang-amoy
nahawahan na rin
ng corona virus
debosyon sa masintahing Ina
di nila alintana
sila-sila lang nasa eksena
wala naman ang balana.
Larawan mula sa Pinterest.
Sana'y tigilan na
itong pagkokorona
ng Birheng Maria
na lumalaganap tulad ng virus
dahil natitiyak ko
hindi rin siya masaya
sa gayong parangal sa kanya;
malamang ipapaalala
din niya tulad ni Hesus
propesiya ni Oseas:
"habag ang nais ko
hindi mga susunuging hain."
Ang higit na nakakabahala
sa ginagawa nilang pagkokorona
sa Birheng Maria bilang Reyna
wala na ring pinagkaiba
sa mga monarkiya
lalo na sa Europa
na sadyang pang-aliw
na lamang sa mga turista
walang kahulugan ni
katuturan sa takbo ng buhay
maliban sa lumipas na kasaysayan
at yaman ng kanilang kalinangan.
Hindi ba ang korona
ng Birheng Maria
ay ang putong niyang
katapatan at kababaang-loob
sa harap ng Diyos,
buod ng kanyang Magnificat?
Siya na ating Reyna
kayamanan at korona
ay mga dukha
at mahihina,
ningning at kinang
wala sa ginto at ano mang brilyante!
Balikan, higit sa lahat pagnilayan,
pagpapakita ng Birheng Maria
sa makabagong panahon
doon sa Lourdes, Fatima at Banneux
dama kanyang pagka-Reyna
dahil kaisa niya mga bata at dukha;
higit sa lahat, si Maria
ang tinutularan, pilit inaalam
kanyang larawan
hindi tulad ng kinagagawian
kanya-kanyang larawan
malayo sa katotohanan at kabanalan!
Ang hamon ng Birheng Maria
siya ang ating makatulad
hindi siya manika o sagala
na inaayusan dahil sa sariling kagustuhan!
Larawan niya ay karukhaan at kababaang-loob
hindi kapalaluan na pinaglalaruan;
huwag nating ipilit ang sa atin
korona ni Maria ay sirain
at maging koronang tinik
sakit at hapis ang kapalit;
koronang putik na ang dungis sa atin babahid
o corona virus sadyang wala na si Hesus!
Larawan kuha ng may-akda, Our Lady of the Poor ng Banneux, Belgium sa retreat house ng Boys Town sa Cavite, 2007.
Quiet Storm by Fr. Nicanor F. Lalog II, 23 November 2020
Photo by author, Christmas decors at Camp John Hay, Baguio City, 2018.
Surely, there will be Christmas this year
despite the pandemic
but there will be less traffic,
less madness in malls and streets
and more praying and silence
in our homes and parishes.
There will be less dinging
of cash registers
and maybe more singing
from the hearts
as we begin to see more
of Jesus in the other
person despite
the face mask.
Surely, there will be Christmas in this time of corona
as there will be more presence
of persons and loved ones
than presents and gifts recycled
or bought without any thoughts;
there will be more crèche
and boughs of greens
so we do not have to be mean
if we do not receive anything.
For so long
we have been receiving gifts
when it is not us celebrating
birthday but the Lord
who only asks for our open hearts.
Photo by author, National Shrine of Our Lady of Mt. Carmel, QC, 2019.
Surely, there will still be Christmas amid COVID-19
when we shall finally be hearing
music celebrating Christ's coming
not cheesy songs masquerading as carols
wishing for every maiden's Prince Charming;
there may be less cheese and ham and wine
for our Christmas dinner
with memories and dreams overflowing
as we gather filled with faith, hope and love;
it does not matter if there are no blinking lights
or even Christmas trees with all the trimmings
or boxes of gifts below or socks hanging
for as long as the glow of Christ's light
and warmth bursting in everyone's hello!
Surely, there will always be Christmas
no matter how favorable or
unfavorable each year
because Christmas
is more than a date to
keep and remember
but an event, a Person
to cherish and welcome,
to follow and imitate,
to care and let grow
within us, among us
the God who became human
like us so we can be divine
like Him.
Surely there will always be Christmas every year
but after 2020, may our Christmas be for real:
less hugging and kissing
but more loving and caring;
less laughing and merrymaking
but more of rejoicing and comforting;
less having and buying
more giving and sharing;
more sacrificing
more striving
for justice and peace;
less clapping, less "liking", less "trending"
more praying, more kneeling
to Jesus our Savior and everything! AMEN.
lordmychef.com 