Lawiswis ng Salita ni P. Nicanor F. Lalog II, Ika-11 ng Nobyembre 2019
Larawan mula sa Google.
Madalas ilarawan itong dakilang kawal ng Diyos si San Martin ng Tours sa France hinahati kanyang kapa upang bihisan dukhang matanda nakasalubong sa daan.
Kinagabihan kanyang napanaginipan Panginoong Hesus sa kanyang paanan tangan-tangan kapang ipinahiram sa matandang tinulungan.
Ito ang katuparan ng Ebanghelyong sa atin ibinalita mismo ni Hesus na ano man ang ating gawin sa kapwa natin siyang ginagawa din natin sa kanyang Panginoon natin.
Kapilya ng Santisimo Sakramento sa UP-Diliman. Kuha ni Bb. JJ Jimeno ng GMA7 News, 2019.
Kay gandang pagnilayan isa pang aral nitong kapa ni Martin na Banal: lingid sa kaalaman ng karamihan, dito rin nagmula kataga ng pook na munting dasalan.
Sinasabi sa kasaysayan, noong bagong Kristiyano si Martin kanyang iniiwan mga tauhan para manalangin sa kagubatan; hinuhubad kanyang kapa upang makapanalangin ng taimtiman.
Kaya tuwing siya ay hahanapin, tanging tutuntunin saan nakasampay o nakalagay hinubad niyang kapa, na kanilang tinuring sa wikang Frances na "chapelle" na naging chapel, o kapilya sa wika natin.
Ang “Ecce Homo” ni Murillo. Larawan mula sa Google.
Hindi ba natin pansin itong Panginoong Hesus natin nang siya ay dumating sa atin hinubad kanyang pagkadiyos upang makatulad natin, matubos sa mga pagkakasala natin?
Hari ng mga hari, tunay na makapangyarihan ngunit nang nilibak sinuutan ng purpurang kapa, pinutungan ng koronang tinik at hindi umimik hanggang makamit kaligtasan natin.
Kay sarap pagbulaybulayan halimbawang iniwan sa atin nitong si San Martin: ating kapa ng kapangyarihan at pangalan ating hubarin upang ang Diyos ay ating makamit at siya ay makatulad natin.
One thought on “Aral ng kapa ni San Martin ng Tours”
Reblogged this on and commented:
My little contribution in celebrating the Memorial of our beloved Patron in our hometown Bocaue, Bulacan – St. Martin of Tours.
Kay buti niyang tunay, kapa ipinahiram sa pulubi
kapa bilang kawal, hinuhubad tuwing mananalangin
kaya munting bahay dalanginan naging “kapilya”
mula sa kapa si San Martin na butihin!
lordmychef.com 
Reblogged this on and commented:
My little contribution in celebrating the Memorial of our beloved Patron in our hometown Bocaue, Bulacan – St. Martin of Tours.
Kay buti niyang tunay, kapa ipinahiram sa pulubi
kapa bilang kawal, hinuhubad tuwing mananalangin
kaya munting bahay dalanginan naging “kapilya”
mula sa kapa si San Martin na butihin!
LikeLike