Lawiswis ng Salita ni P. Nicanor F. Lalog II, Ika-15 ng Setyembre 2026
Larawan kuha ng may-akda, Morong, Bataan, 21 Hulyo 2026.
Sa gitna ng kadiliman bunsod ng brownout ng gabing kasagsagan ng pag-ulan noong isang buwan ay aking binalikan, pinakinggan at sinabayan "Himig Natin" ng Juan Dela Cruz Band wala lang, trip trip lamang pero ngayon aking muling ninamnam titik at musika hindi lang ito rak en roll kungdi akma sa ating panahon ngayon.
Larawan kuha ng may-akda brownout sa kasagsagan ng habagat noong 29 ng Agosto 2026.
Ako’y nag-iisa At walang kasama Di ko makita Ang ating pag-asa
Hindi ba ito ating nadarama ngayon, nag-iisa, walang kasama at di makita ating pag-asa?
Mga taga-San Jose sumigaw ng tubig! tubig! sa gitna ng larong basketball doon sa Minuyan ngunit sila'y sinumbatan, pinagsabihan ng kanilang Mayora sa tinagurian niyang pambabastos at kawalang-hiyaan gayong mga gripo ilang buwan nang tigang, walang tubig; kanino sila dudulog sino gagawa ng solusyon sa gayong kalaking problema ng taong-bayan?
Bukod sa lubak-lubak na mga daanan mga taga-Bulacan di na nawalan ng baha na ayaw nang bumaba taun-taon lumalala habang ang punong lalawigan iginigiit maski saan na wala siyang alam sa bilyun-bilyong piso na halaga ng flood control sa lalawigan nakalaan sukat naglaho sa scam ng mga damuhong kababayan sa DPWH na nakipagsabwatan sa mga makapangyarihan: sino nga ba dapat nakakaalam ng higit para sa kapakanan ng taong-bayan kung mga inaasahan iginigiit wala silang alam marahil dahil wala ding pakialam!
Kung ganyan lamang katuwiran at tugon ng mga nanunungkulan sa tuwing mapupuna kanilang kapabayaan at kakulangan di lamang sa kaaalaman kungdi pati malasakit at pakialam, sawimpalad talaga itong ating bayan bakit nga ba sila pa ang napili at inihalal?
Ang himig natin Ang inyong awitin Upang tayo’y magsama-sama Sa langit ng pag-asa
Ito ang himig natin dapat nating awitin tutulan labanan kalabisan at kawalanghiyaan ng mga nasa kapangyarihan; panagutin mga mandarambong huwag nang ibalik sa puwesto mga mangmang at walang alam na ring napatunayan sa pamamahala at kaunlaran ng kabuhayan.
Higit sa lahat, huwag na silang pagtiwalaan ng katungkulan, huwag na huwag nang iboboto maging mga kaanak ibigay ang pagkakataon sa mayroong paninindigan at malasakit lalo sa maliliit at nahihirapan.
Iyan ang himig natin dapat nating awitin mula sa ating puso at kalooban pagbabago ng kaisipan at kamalayan may pananagutan sa kapwa mamamayan ngayon at sa kinabukasan.
Larawan kuha ni Bb. Bernadette Reyes ng GMA News, Sto. Domingo, QC, 29 Agosto 2026.
Ako’y may kaibigan At s’ya’y nahihirapan Handa na ba kayong lahat Upang s’ya’y tulungan
Sino nga ba ating mga kaibigan maaring pagkatiwalaan kapag tayo ay nahihirapan? Wala kungdi tayong maliliit kanilang ginigipit! Napakasakit isipin na sa halip pag-usapan sa larangan ng agham at buhay ng mga naninirahan sa lugar ng ginagawang paliparan bilyunaryong negosyante nagbigay ng pabuya isang milyong piso sa makapagsusumbong sa kanya ng mga sumasalungat sa proyektong sinira na maraming kalikasan at buhay doon.
Sino ang ating kaibigan maaring sulingan sa panahon ng kagipitan kung kanilang kaagapay mga makapangyarihan ng lipunan taglay di lamang salapi kungdi pangalang nagkukubli sa higit na maraming kasamaan kesa nagawang kabutihan sa nakaraan? Mayroon pa bang natitirang taong marangal pagpapahalaga sa buhay at katauhan kesa salapi at huwad na kaunlaran?
Pakinggan sabayan at namnamin ang awiting nagsimula ng Pinoy rock noong dekada sitenta; katulad ng mabuting uri ng alak, lalong sumasarap habang tumatagal, sa tuwina ay napapanahon itong himig natin.
Lord My Chef Sunday Music by Fr. Nicanor F. Lalog II, 30 August 2026
Ang aking tokwarts kagabi, brownout, 29 Agosto 2026.
We go OPM (Original Pilipino Music) this last Sunday of August, our Buwan ng Wika – kaya dapat nga pala isulat ko ito sa wikang pambansa.
Kakaiba sa ating nakagawian na pag-uugnay ng mga makabagong musika sa ebanghelyo ng bawat Linggo, walang kinalaman itong napili nating awitin ngayon sa Ebanghelyo na inyong napakinggan sa mga Misa ngayong Linggo.
Kagaya ng karamihan kahapon bunsod ng malalakas na ulan at pagbaha, wala din kaming kuryente sa parokya sa Fatima, Valenzuela mula alas-sais ng gabi hanggang kinabukasan ng alas-dos ng madaling araw.
Mag-isa lamang ako sa ibaba ng aming simbahan, katabi ng garahe. Binuksan ko ng lubusan aking pintuan upang pumasok malamig na hangin habang balot ng kadiliman buong silong ng simbahan maliban sa aking munting kandila na sinindihan.
Ma-drama ang eksena.
Basla ng aking tokwarts sa may garahe, kagabi pa rin.
At doon ko naalala ang kantang Ang Himig Natin ng Juan dela Cruz Band na binubuo nina Joey “Pepe” Smith, Wally Gonzales at Mike Hanopol. Isa ito sa mga awitin ng una nilang album na pinamagatang Himig Natin na kanilang inilabas noong 1973. Itinuturing ito ang hudyat ng simula ng Pinoy Rock music na pinalaganap noon ng estasyong DZRJ-AM.
Elementary pa ako noon. Narinig ko na inaawit at tinitipak sa gitara ng isang barkadahan ng mga kabataan malapit sa amin bahay noon. Sila nagturo sa akin na makinig palagi sa DZRJ dahil nga sa Pinoy Rock at iba pang mga magagandang tugtugin.
Bagay na bagay sa panahon ngayon itong awiting ito na maituturing na isang panaghoy sa kriminalidad na umiiral, hindi kalamidad.
Ako’y nag-iisa at walang kasama di ko makita ang ating pag-asa
[chorus] Ang himig natin ang inyong awitin upang tayo’y magsama-sama sa langit ng pag-asa
Tayo tayo lang ang magsama-sama. Puwera mga walang-hiyang pulitiko at upisyal ng gobyerno na nagnakaw ng bilyones na halaga sa kaban ng bayan para sa mga palpak at karamihan ay ghost projects sa flood control kaya lumala pagbaha sa maraming lalawigan at rehiyon.
Mula sa malikhaing panulat ni Smith na siyang ring umawit, maigsi lang naman Ang Himig Natin na nagsasaysay ng dalamhati ng isang kaibigan. Marahil tinutukoy ni Smith ang musikang Pinoy na noon ay hindi pa gaanong katatag na tinatabunan ng mga banyagang musika. Paulit-ulit lang naman ang lyrics kaya masarap kantahin kapag nakainom na…..
Ako’y may kaibigan at s’ya’y nahihirapan handa na ba kayong lahat upang s’ya’y tulungan
[chorus] Ang himig natin ang inyong awitin upang tayo’y magsama-sama sa langit ng pag-asa
Simple at payak ang mga titik. Malalim.
Ngunit ang nagdala sa awitin ay ang musika.
Out of this world. Parang panaginip sa malalim na pagkatulog.
Astig ang gitara ni Gonzales. Pasakalye pa lamang ika nga e, solb ka na agad, tsong! Mayroon ding sumasaliw na tila piano at baho sa kanyang solo kaya umaabot ng lima at kalahating minuto ang awitin. Tagos hanggang buto pati kaluluwa, parang kinakalawkaw iyong kalooban upang matauhan sa katotohanan kung inyong pakikinggan at nanamnamin.
Ewan ko lang kung tablan din napaka-kapal at sagad-sagad na kasamaan ng mga upisyal sa gobyerno!
[chorus] Ang himig natin inyong awitin ang himig natin inyong awitin ang himig natin inyong awitin …
Patay na sina Gonzales at Smith. Tanging si Hanopol – ang Jeprox- na lamang ang buhay sa kanila ngunit ang kanilang musika, buhay na buhay pa rin. At habang tumatagal, lalong lumalalim at sumasarap sa panlasa. Heto sila muli sa gitna na maulan na araw ng Linggo. Ingat po, mga kapatid at magtulungan sana sa tuwina.
The Lord Is My Chef Sunday Music for the Soul by Fr. Nicanor F. Lalog II, 23 June 2024
Photo by Fr. Pop Dela Cruz, Binuangan Is., Obando, Bulacan, June 2021.
We go OPM this Sunday, digging through the great decade of Pinoy rock bands of the 90’s with The Dawn’s Iisang Bangka Tayo released in 1992.
I was still outside the seminary working at GMA7-News when The Dawn rocked the local scene with their Enveloped Ideas in 1987. Unfortunately, their founder and more famous member Teddy Diaz was stabbed to death the following year on his way to visit his girlfriend in Quezon City that abruptly ended the career of a very promising musician who have unknowingly sowed the seeds for the blossoming anew of OPM with the advent of many alternative bands in the 90’s.
After leaving GMA-7 News to give my vocation a second try in the seminary, radio and music remained my two “worldly” pursuits without any plans at all of ever turning away from. And I was so glad The Dawn had continued to play music all those years while in the seminary days until I became a priest.
This is my second favorite song from them: rough and raw as they have always been with deep thoughts running through but this time in the vernacular language. What I like most with this song is its theological undertones: its calls for togetherness and unity as friends and a nation, and most of all, of communion as a church considering that is what the boat symbolizes.
The boat carrying Jesus and the disciples crossing the Lake of Galilee during a violent squall actually symbolized the Church under persecution. The Dawn’s Iisang Bangka Tayo struck the gospel chords perfectly, especially at this part midway through the song:
Dahon ng damo tangay ng hangin At di mo matanaw kung saan ka dadalhin Ngunit kasama mo ako nakabigkis sa puso mo Daluyong ng dagat ang tatawirin natin
Saan ang tungo mo mahal kong kaibigan Saan sadsadyain hanap mong katahimikan Basta’t tayo’y magkasama laging sasabayan Pinagsamaha’y nasa puso kaibigan kabarkada
Iangat natin ang layag sa umaawit na hangin Kapit-bisig tayong ang gabi ay hahawiin
Ating liliparin may harang may sibat Ating tatawirin daluyong ng dagat Pagkat kasama mo ako iisang bangka tayo Anuman ang mithiin ay makakamtan natin
It is the same message of oneness and trust that Jesus conveys in our gospel this Sunday who silently joins us in the boat to help us cross this sea of life amid storms and giant waves that can be overwhelming most of the time (https://lordmychef.com/2024/06/22/into-the-sea-of-life-love/). Most of all, Jesus and The Dawn’s Iisang Bangka Tayo remind us of the need for more love and trust with each other to overcome life’s many trials and sufferings. Here now are The Dawn… rak en roll!
lordmychef.com 