Pamilya natin sa COVID-19

Lawiswis ng Salita ni P. Nicanor F. Lalog II, Ika-01 ng Abril 2020

Pamangkin.
Ibig sabihin ay "para namang akin":
mga anak ng iyong kapatid
kaya para mo na ring
anak sila kung ituring.

Pinsan.
Ibig sabihin ay "kapisan"
sa higaan o sa banig
doon sa bahay na matanda
dahil magkakapatid inyong mga magulang.

Kapatid.
Ibig sabihin ay "kadugtong" 
na kung wala ang isa 
ikaw ay "patid"
at tiyak nag-iisa.

Kabutihan din sa COVID-19
mayroon tayong quarantine
kaya't asikasuhin pamilya natin
linangin at buhayin
pagsasamahang nakalimutan na yata natin.